اســـــم كـــــل ريــشـــــه فـــــي جــــنـــاح الــــطي

_( السلام عليكم ورحمة اله وبركاته )_



يوجد في الجناح الواحد للطير حوالي 22 ريشه
وتبدى بالريشه القصيره وتطول الريشه
تلو الريشه حتى تصل الى الموس وهي الاخيره
وهي اقصرمن اللي قبلها اي الطويله ب 5 سم تقريبا
اذا وصلنا الى الموس فهو الريشه الاخيره في الجناح ,
والريشه التي قبل الموس هي الطويله او النايفه وهي
اطول ريشه في جناح الطير وهي اطول من الموس 5 سم
تقريبا ثم تاتي بعد الطويله((النايفه))
رديفة الطويله((النايفه)) والبعض
يسميه الثالثه ومن
ثم الرابعه والخامسه والسادسه والسابعه وكل
ريشه اقصر من الريشه التي امامها,
ومن المعروف عند الصقار انه
يهتم بريش الطير وخاصه هالسبع الريشات لان الاعتماد
بعد الله عليها.

وبخصوص الطوايل والامواس في الطير فهي اخطر
شي لانها اذا قاربت على الصكوك اي
(( اذا قربت على ان تصل الى نهايتها )
في المقيض فانها تصبح خطره
وهي تأخذ حوالي 60 يوم حتى تصل الى نهايتها.
و الطيرسبحان الله اذا قربت الريشه على نهايتها
يختلف طريقه طيرانه وطريقه علفه فانه يكون حذر
والبعض منها مايهد على الحباري خوف منها انها تعبث في ريشه,
وليس كل الطير يكون كذلك فالبعض منها مايهمه موس ولا طويله.

اما عن ذيل ((الذنيبا)) الطير
فهي تتكون من 12 ريشه ونادرا تأتي 11 و13 وهي قليلة ,
وتسمى ريشتين في ذيل الطير تسمى (( بالعمد)) ومفردها عموديه وهي التي تكون في الذيل
من فوق وهو اسمك ريش الذيل والاطول من الباقي,
والتي تحتها تسمى ردايف العمد اما الريشتين التي في طرف
الذيل من يمين ويسار فأنها تسمى بــ((الــكـــلا)) جمع كلية . هذا اللي اعرف من
اسما ء ريش الطير (( الصقر)).اما
ريش ظهر الطير فيسمى نجير.

ياسلام اخوي على هذا الموضوووع المميز من نوعه

^_^

ربي يعطييك العافية

مشكووووووووور اخوي ع الموضوع

تسلمون على مروركم

واااااااااااااااو

ياجي المواضع ولا بلاش
هذا الي اسمه موضوع هاااااااع


الصراحه احلى موضوع شفته ف المنتدى


ومشكور اخوي شاعر دبي ع الموضوع الغاوي السنع

مشكووور ~~~
اخوويه ع الموضوع الغاااوي

تسلمين اختي على مرورج